سعر ومواصفات قلاية البطاطس فيليبس Philips Air Fryer HD9220

تعرف على مواصفات وعيوب قلاية هوائية فيليبس

وصف Philips Airfryer:

• بتسع ٨٠٠ جرام من الاكل دفعة واحده.
• بتقلي وتشوي الاطعمه والخبر بمعلقة زيت واحدة.
• تصميم المقلاة من الداخل بيسمح للهواء انه يلف بشكل دائري فبالتالي الاكل بيستاوي بالتساوي (يعني من الاخر مفيش جزء نايي وجزء مستوي) وكمان بيخلي الاكل مقرمش.
• درجات حرارة من 80 درجة ل 200 درجة وممكن ظبط الوقت براحتك.
• الاكل بيطلع منها مقلي او مشوي بشكل متساوي بنسبة 95%.
• هيكون قدامك 20 دقيقة تخلصي فيها باقي السفرة عشان غالبا هيكون الاكل اتسوي فيها في خلاص المدة دي.
• الحاجة اللذيذة واللي هتعجبنا احنا كمصريين اوي انها مبتسحبش كهرباء كتير فبالتالي مش هتاثر على فاتورة الكهرباء بشكل ملحوظ.
• كمان التصميم المقلاة خلا اعلي درجة حرارة للسطح الخارجي ليها 32 درجة فبالتالي لو حد لمسها بالغلط مش هيتلسع.
• بشكل عام المقلاة دي جيدة جدا لكن هتحتاجي تقلبي الاكل كل شوية عشان يطلع طعمه حلو.

مميزات قلاية الكهربائية من فيليبس:

1.  نتائج بتاعتها حلوه جدا في البطاطس والفراخ المحمرة، البطاطس بتتطلع لونها دهبي و كمان الفراخ بتتطلع مقرمشة و مستوية.
2. بتعمل الاكل بسرعه يعني في خلال 20 دقيقة لكن لازم تسيبها 3 دقائق تسخن الاول.
3. استخدمها سهل، سهلة في التشغيل و القفل و بسهولة بتطلعي الاكل منها.
4. فيها قفل اتوماتيك، يعني لما بتخلص بتقفل لوحدها.
5. المصفي بتاعها ممكن بدخل غسالة الاطباق عادي.
6. عازله للحرارة، يعني لو لمستها او ابنك لمسها و هي شغاله مش هتبقي ساخنه اوي.
7. فيها مكان لتخرين السلك بتاعها و كمان سهلة في الحمل.
8. ليها تطبيق علي الموبيلات فيه وصفات جديدة و حلوه ممكن تجربها.
9. شكلها الخارجي حلو، هتضيف لمطبخك شكل جميل.

عيوب قلاية هوائية فيليبس:

• صوتها عالي، بتعمل صوت اول ما تشتغل صوت عالي مقارنه بالمقلاة التانيه.
• كمان بتعمل صوت زن اثناء الطبيخ، هتضايقك خصوصا لو المطبخ امريكان و مفتوح علي الصالة و عندك ضيوف مثلا.

• محتاجه تقليبي الفراخ او البطاطس كل شوية. فهتزهقك لو عندك حاجات تانية تعميلها.
• مفيش شاشه ديجيتل ولا ضوء أقدر اعرف منه هي خلصت ولا لا، فتعرفي من الصوت.
• تاخد تلات دقائق علشان تسخن بعدين تبدا تحطي الاكل فيها و ده اللي اعتبرنه عيب كبير من شركة فيليبس لان المقلاة من الشركات التانيه بتاخد اقل من ٣ دقائق. .
• غطاء بتاعها مش منفصل عنها، فممكن يضايقك و انتي بتخرجي المصفي.
• محتاجة تنظيف من بره على طول سواء اسود او ابيض لان السطع اللمع بيتوسخ بسرعه.

للشراء من امازون السعودية

أراء بعض المستخدمين عن قلاية هوائية فيليبس:

• المستخدمين قالوا، انك لو اتبعت التعليمات الموجودة مع الجهاز بس من غير تجويد، البطاطس مش هتتطلع بنفس الجودة لو انت قلبتها كل شويه و دي الناس اعتبرتها عيب في الجهاز و في التعليمات المرفقة معه.

• الشركة قالت اننا نقلبها مره واحده من جنب لجنب بس بالعكس ده كان نتيجته ان البطاطس اللي فوق مستويه واللي تحت موصلهاش حراره كافيه. كمان البطاطس طلعت محمره من بره و مش مستوية اوي من جوه. يعني من الاخر هتقلبها كل شويه يعني هتقلبها.

• في ناس جربت تحط الاكل عادي من غير ما تسبها 3 دقائق تسخن، و الحقيقة ان نتيجة الاكل متغيرتش كتير.
• في ناس اشتكت من تنظيفها، لان المصفي بس اللي بيدخل غسالة الاطباق عادي، لكن الفجوة اللي جوه ضايقه فبتصعب تنظفها من جوه بقماشه بس عمتا هتعرفي تنظفيها.

ملاحظات مهمه:

•  ملهاش مفتاح للفتح (هتحطها في الكهرباء و تظبط الحراره علي طول) كمان مفيش ضوء او علامة تقولك انها خلصت الا صوتها طبعا.
• الحرارة جوه قلاية البطاطس دي مبتوقفش حتي لو شلت الطبق او المصفي من جوه لازم تستني شويه بعدين تفتحها عشان تنضفيها.

أسئلة المستخدمين:

• هي صناعة ايه؟
  الاجابة: في منها صناعة هولندي و في صيني.
• كم عدد سنوات الضمان؟
  الاجابة: سنتين.
• هل المقلاة ممكن تتطلع دخان؟
  الاجابة: المقلاة ممكن تتطلع دخان في حاله واحدة بس لو الطبق اللي جواه مش مغسول كويس، فانصحك تغسل الطبق بعدين تجرب تشغليها تاني.

نصيحة الريفيوز حول شراء قلاية هوائية فيليبس:

ليه لا؟ اشتريها لو هي في الفئة السعريه المناسبه ليك بس اعرف ال 3 حاجات دول

• أنك لازم تقلب الاكل فيها كل شويه لو هتكسل تقلب كل شويه بلاش تجيب الجهاز ده.
• بتعمل فراخ وبطاطس مقرمشين في خلال نص ساعة.
• كمان شركة فيليبس خدمة عملائها و صيانتهم لو المقلاة باظت فوق الممتاز.

أماكن البيع:

• سوق.كوم بتدا من ٢٠٠٠ جنية
• جوميا بتدا من ٢٠٠٠ جنية
• كارفور

اختلاف الاسعار هو اختلاف تجار مش اكتر.