الشعر هو تاج المرأة و سر جمالها، معظم البنات لما بتقص شعرها بتتمني انه يطول تاني و بتستنا كتير اوي عشان تخليه يطول تاني. و في بنات معندهاش صبر أنها تستني شعرها يطول تاني، خصوصا لو شعرها كان طويل أوي و راحت قصته فجأه. يقول خبراء العناية بالشعر، أن الشعر بيطول من نص سنتيمتر لسنتيمتر و نص في الشهر. لكن عشان الشعر يطول بسرعة لازم يكون الشعر بصحة جيدة. في المقالة دي هنقولك ازاي تخلي شعرك يكون صحي و يطول بسرعة ب 9 طريقة سهلة و رخيصة.
أول نصيحة: قص أطراف الشعر
كتير مننا مبيصدقوش المعلمومة دي، لكن هي فعلا صحيحة. حتي خبراء العناية بالشعر مختلفين فيها لكن اللي اتفقوا عليه أن لو شعرك طويل و صحي فلازم كل فترة تقصي جزء من الاطراف. أما لو الشعر بينمو بس بأطراف غير صحية فده بيؤدي الي ان شكل الشعر بيكون متجزئ، غير متساوي و نحيف و ده السبب أنه مبيخلهوش يطول بسرعة.
شعرك في الحقيقة بيبان أقصر لو أطرافه هايشه و غير متساوية، عشان كده بننصح بقص أقل من نص سنتيمتر من شعرك كل 12 أسبوع لمنع تقسيم الأطراف.
تاني نصيحة: فيتامينات الشعر
طالما اتكلمنا علي نمو الشعر، لازم نتكلم عن فيتامينات و المكملات اللي بتساعد علي تطويل الشعر لان هي فعلا مفيدة للشعر و بتطوله و حتي لو انتي مشوفتيش نتيجة ملحوظة بعينك في هي بتغذي الشعر تغذية سليمة و بتمده بالفتيامينات المش موجودة في الاكل خصوصا لو أكلك غير صحي.
الفيتامينات المهمة للشعر زي البيوتين ، وحمض الفوليك ، والفيتامينات D ، و A ، و C ، و E بتكون موجودة في معظم الاكل الصحي ولكن بنسب بسيطة عشان كده احنا بنحتاجها من بره. و أشهر مكملات الشعر في مصر هي البيوتين و برفكتيل.
أحد أهم العلماء قال أن جرعة المكملات مش فارقة لان الجسم بياخد اللي بيحتاجه و بيتخلص من الباقي. و أضاف أنك لو مبتكليش وجبات متوازنة، أو تعاني من توتر شديد في حياتك أو صدمة، فجسمك هيترجم ده علي طول بأنه يبعت الفيتامينات لأعضاء الجسم المحتاجها أكتر من الشعر فبالتالي الشعر مش هتوصله التغذية السليمة ولا هينمو بشكل صحي.
قبل ما تتناولي الفيتامينات لازم تستشري دكتور خاصة اذا كنتي بتتناولي أودية تانية عشان تتأكدي ان مفيش اي تفاعل بينهم.
تالت نصيحة: تقلل استخدام الشامبو
ناس كتير للاسف مبتستعملش بلسم الشعر و بتستعمل الشامبو في كل مره بتستحمي و ده الحقيقة غلط خصوصا للناس اللي بتحاول تتطول شعرها. فالمفروض أنها تقلل استعمال الشامبو و تزود استعمال البلسم.
الغرض من استخدام الشامبو هو تنظيف الشعر من التراب و العرق اليومي، و لكن معظم الشامبو بتتحتوي علي مادة الكبريتات اللي بيزيل الزيوم الطبيعية اللي بيحتاجها الشعر للنمو بشكل صحي. طب والحل؟؟ حاولي تستخدمي شامبو خالي من مادة الكبريتات مثل او جي اكس بلسم حليب جوز الهند، و بأنك تستخدمي الرغوة علي فروة الرأس بس و تسيبي رغوة الشامبو تنزل علي باقي الشعر.
رابع نصيحة: غسيل الشعر بماء بارد
الشعر البارد في نهاية الدش بيدي قوة للشعر و نموه، الماء البارد يحمي الطبقة الخارجية للشعر أكثر و كمان بتنمع تساقط الشعر بسبب الرطوبة و التلف بسبب درجة الحرارة العالية.
كل اللي عليكي تعمليه تفتحي المياه الساقعه في اخر ثواني من الشاور، الخطوة دي بتعمل فرق كبير مع الاستمرار عليها. الاستحمام بماء بارد صعب صح؟ بس الثواني هتعدي أهم حاجه الشعر الطويل و الصحي.
خامس نصيحة: بسلم الشعر
و أنتي بتحاولي تتطولي شعرك لازم يكون بلسم الشعر أهم حاجه في حياتك الفترة دي. لازم كل مره تبلي شعرك تحطي عليه بلسم للشعر. التلف اللي بيتعرضله الشعر نتيجة الصبغة و الحرارة المستمرة بيخلي الشعر ضعيف خصوصا في الاطراف و بيخلي الشعر متكسر.
طب و الحل عشان تعيدي شعرك لصحة؟؟ استخدامي بلسم مناسب عشان يقدر يغذي الشعر و يميده بالبروتينات اللي بيحتاجها من جذر الشعر حتي أطرافه. البسلم هو أهم خطوط دفاعك للحفاظ علي الشعر و سلامته.
ننصحك باستعمال البلسم ده من شركة بانتين بسعر 60 جنية مصري.
سادس نصيحة: اصنعي بسلم شعر طبيعي بنفسك
لو شعرك طول كتفك أو اطول شويه، فأنتي محتاجه مع البلسم بلسم طبيعي و قوي عشان يخلي شعرك ينمو بشكل أسرع. هو بلسم سهل جدا و رخيص كمان بس المفروض تستعمليها قبل الشامبو و دي مكوناته و طريقة استخدامه:
كوبايه من زيت جوز الهند الطبيعي من العطار
ملعقة كبيرة من كلا من زيت اللوز و زيت جوجوبا
الزيوت دي بتسيب وراها بقايا بالتالي بننصح انك تحتطيها لمدة عشرة دقائق علي شعر مبلل، و بعد كده تغسيلها بالشامبو و البلسم العادي. الزيوت دي بتحتوي علي أحماض الدهنية المفيدة جدا للشعر و الموجود بشكل طبيعي في الجسم اللي بتغذي الشعر حتي بعد شطفها.
هتكسلي تجيبي الزيوت و تعمليها؟؟ ممكن تجربي المنتج دي بس هو غالي شوية من شركة SheaMoisture.
سابع نصيحة: ابعدي عن أدوات تصفيف الشعر كلها
الابتعاد نهائي عن أدوات تصفيف الشعر بالحرارة كمكواة الشعر، الاستشوار، أدوات تجعيد الشعر أو المواد الكيميائية لفرد الشعر. الاودات دي بتبوظ الشعر حتي الشعر الصحي فمش من الطبيعي انك تستخديمها و انتي بتحاولي تتطولي شعرك و تعدي صحته و طوله ولامعنه. ولا حتي تستخدميها حتي علي أقل درجة حرارة لازم تبعدي عنها تماماً.
تامن نصيحة: ابتعدي عن مبيض الشعر (سحب اللون بماء الاكسجين)
لما بتقومي باستخدام مبيض الشعر و بعدها تبدا باستخدام الضبغات الكميائية فده بياثر علي الشعر و بيخليه أكثر عرضة للتقصف و الهيشان. فلو عايزه شعرك يطول أسرع فلازم تبعدي نهائي عن صبغات الشعر.
تاسع نصيحة: تسريح الشعر بطريقة صحيحة
لازم تسريحي شعرك برقة و مينفعش ابدا تبقي قاسية و انتي بتسريحي شعرك، لان التسريح بقسوة بيسبب أضراراً قوية للشعر و ممكن تمنعه من أنه ينمو بسرعة و صحية. تقدري تسميعي الأصوات اللي بتعملها الفرشاة في فترة التسريح و تعرفي أذا كان كويس لشعرك أو لا. لازم تسريحي شعرك براحة خصوصاً و هو مبلل عشان بيكون عرضة للكسر.
و أنتي بتسريحي شعرك لازم تبدأ بفك تشابك الشعر من الاطراف براحة و بلطف، التشابكات الموجودة في الاطراف بتعمل عقد كبيرة ممكن تسبب لتساقط شعر كتير جداً أثناء التسريح.
أفضل أنواع الفرش هي فرشاة بتكون مصنوع من شعر خشن طبيعي، بتعمل علي توزيع زيوت فروة الرأس الطبيعية بلطف الي أطراف الشعر.
مستحيل الشعر يطول بين يوم و ليلة، بس تقدري تغييري روتين شعرك عشان تخلي شعرك صحي و حيوي. و من المهم أنك تحافظي علي شعرك رطب و بعيد عن استخدام أدوات الحرارة، والابتعاد عن صبغات الشعر.
