شركة ديلونجي طورت ماكينة القهوة القديمة EC680 اللي كانت واخده واحده من افضل مكن القهوة قبل كدة. شكل الماكينة الجديدة شبه القديمة من بره لكن البروسيسور اعلي من القديم. ديلونجي بتقدملك ماكينة قهوة صغيرة وخفيفة للناس اللي بتحب القهوة اسبرسو والكابتشينو بس مفيش مكان لماكينة قهوة كبيرة. تعالوا نشوف الناس رايها ايه في ماكينة القهوة دي

وصف المنتج ماكينة القهوة ديلونجي EC685.m:

ماكينة القهوة ديلونجي EC685.m، بتشتغل ب 3 انواع من القهوة;

• القهوة المطحونة: و دي اللي بتكون صعبة في عملية التنظيف.
• أكياس القهوة التي تشبه أكياس الشاي (الشاي الفتلة): زي الموجودة في الصورة و دي بتسهل عملية تنظفها جدا.
• حبيبات القهوة: لكن لازم تشتري قطعة منفصلة زي الموجودة في الصورة، عشان تقدر تطحن القهوة و ساعتها هتقبلك نفس مشكلة التنطيف اللي في القهوة المطحونة.

مكونات و امكانيات ماكينة القهوة ماكينة القهوة ديلونجي EC685.m:

•  انبوبة بخار خارجية:  دي بنتستخدمها “لخفق الحليب” يعني ضرب اللبن عشان المشروبات اللي فيها لبن زي الكابتشينو و لاتية. عشان يطلع وش الكابتشينو زي كابتشينو المطاعم. بس لازم تنظيف انبوبة البخار بعد خفق الحليب علي طول بقطعة قماس او فوم مبلولة لو سيبتها لفترة طويلة من غير تنظيف اللبن هينشف عليها و هيكون صعب تنظفها جدا.
• كوب قهوة للماكنية: الكوب ده بيحفظ علي القهوة ساخنه عشان لو عملتها و نسيتها او عملتها و سبتها شوية. انت كمان ممكن تظبط درجة حرارة القهوة اللي انت عايزها و الكمية اللي انت عايزها.
•   فلتر:  تقدر تعمل بيها كوبة واحده قهوة او اتنين مع بعض مش اكتر من كده.
• خزان الماء:  بيكفي 1 لتر بس.
• مؤشر ضوئي:  بيعطيك اشارة عند موعد تحديثه و موشر اخر بيعطيك اشارة لما ماكنية القهوة بتكون محتاجه للتنضيف او الزالة رواسب القهوة.

كمان ممكن انك تستخدام الماء الساخنة فقط كما موضح بالصورة (طبعا احنا كمصريين بالاوبشن ده هنستخدم ماكنية القهوة دي للشاي والنعناع و الينسون و الليمون السخن كمان).
خبراء القهوة لما جربوا القهوة من الماكنية دي قالوا ان القهوة طعمها جميل وانها غنية بالقهوه فعلا و اديتهم شعور بالسعادة. الكابتشينو كمان طعمه حلو و كمان خافق اللبن بيعمل للكابتشينو شكل مميز كانه من بره.

مميزات ماكينة القهوة ديلونجي ماكينة القهوة ديلونجي EC685.m:

•  بتعمل 3 أنواع من المشروبات، القهوة الاسبريسو، الكابتشينو و لاتيه يعني لو انت بتفضل الاسبريسو و مراتك او اصحابك او عائلتك بيفضوا الكابتشينو يبقي كده ماكينة القهوة دي مرضية لجميع الاطراف.
• الجزء المخصوص (انبوبة البخار) لضرب اللبن و اللي كمان فيه كذا خاصية، الخاضية في مش موجودة في معظم مكن القهوة المتوفر حاليا.
• ماكينة القهوة دي بتسخن بسرعة (حوالي 30 ثانية) فبالتالي بتعمل القهوة بسرعة، يعني لو مستعجل و عندك شغل هتلحق تشرب قهوتك قبل ما تنزل.
• صنع القهوة بالماكينة دي سهل لان أدوات التحكم كتير وانابيب البخار و خزان الماء، طريقة استخدامهم سهلة و بسيطة.
• تشتغل بالقهوة المطحونة اللي كتير من الناس بيحبها و كمان اكياس الشاي اللي بتظبط القهوة بسهولة. ممكن يتركب عليها جزء اضافي من فوق يطحن القهوة بمعني هي كده ممكن تشتغل ب ٣ أنواع مختلفة زي ما شرحنا فوق من القهوة حبوب القهوة، القهوة المطحونه و أكياس القهوة.

عيوب ماكينة القهوة ماكينة القهوة ديلونجي EC685.m:

•  التنظيف: تنظيفها صعب شوية، لازم تتنظف لازم بالايد مينفعش تستخدمي غسالة الاطباق. للاسف تنظيف ماكنية القهوة دي مش بسهولة تنضيف المكن اللي بيشتغل بكبسولات، لازم مصفي القهوة تتنضف بعد كل استخدام، لا ينصح ابدا ان يتم استخدامها ٣ مرات متتالية بدون تنظيف.
• كمان انت عشان تستخدم حبوب القهوة هتكون مضطر تتدفع فلوس زيادة.

أراء بعض المستخدمين

• جميع المستخدمين عجبتهم القهوة الاسبريسو بتاعها و الكابتشينو، لكنهم اجمعوا ان الاسبريسو احلي كتير من الكابتشينو.
• نقطة التحكم في درجة حرارة القهوة دي نالت اعجاب ناس كتير خصتا وجود الخاصية دي مع سعر الماكنية.
• سهولة استخدام الماكينة اكتر من اي ماكينة اخري.
• معظم الناس اشتكيت من صعوبة تنظفها و انها كمان مبتدخلش غسالة الأطباق.

للشراء من امازون السعودية

اشتريها؟

احنا كالريفيوز جربنا اكتر من ماكينة قهوة بمختلف الاسعار فالماكينة دي بالامكانيات و السعر ده، احنا بننصحك ان انت تشتريها هتدفع ٤ الالاف جنيه بدل ما تدفع كل يوم ٢٠ جنيه في قهوة في الشغل اعمل منها في البيت وخدها معاك في مج للشغل ولان حجمها صغير ممكن تحطها عندك في المكتب.
لو نفسك في كوفي كورنر او ركن القهوة عندك في البيت مساحة ماكينة زي دي هتساعدك لان حجهما صغير ووزنها مش تقيل مقارنة ب باقي أجهزة عمل القهوة. كمان لان القهوة المطحونة او حبوب القهوة أرخص من الكبسولات و بتقعد معاك فترة أطول.

أسئلة بعض المستخدمين

• لو نسيت انبوبة الحليب من غير غسيل لمدة ٧ ساعات اعمل ايه عشان انضفها؟
  الاجابة: شغل انبوبة البخار علي مياه مش لبن لحد ما تغلي و تدوب اللبن.
• ما هو حجم كوب الحليب؟
  الاجابة: الكوب مصنوع من الاستلنس و تقريبا بياخد ٣٠٠ ل ٣٥٠ ملي و طوله حوالي ٩ سم.
• الماكينة مصنوعه من الاستلنس ولا الامنيوم؟
  الاجابة: استالس.
• ممكن استخدم مياه ساخنه بس من غير قهوة؟
  الاجابة: اها ممكن.
• ما هو طول سلك الكهرباء؟
  الاجابة: السلك طوله ١٠٠ او ١٢٠ سم.
• ممكن اعمل كابتشينو بدون خفق اللبن؟
  الاجابة: اها اكيد استخدم اللبن سخن بس لكن هيبقي من غير وش.

أماكن البيع

•  سوق.كوم بسعر يبدا من 4000 جنية (الاسعار تختلف باختلاف الالوان).
• نون بسعر يبدا من 4200 جنية (الاسعار تختلف باختلاف الالوان).
• كارفور