أخبار ونصائحالعناية بالشعر

فرشاة الشعر الكهربائية، بين الاصل و التقليد!!

مفيش بنت بتستغني عن فكرة عمل الشعر بالأستشوار والمكواة بس في مشكلة بتواجة بنات كتير هي ” الوقت ، الفلوس” في بنات كتير معندهاش وقت تروح الكوافير بشكل منتظم بسبب دراستها أو شغلها ، وكمان زيارة الكوافير بشكل منتظم ميزانية لوحدها ، يبقي الحل هو أشتري منتج يقدر يوفرلي الحاجتين زي ” فرشاة فرد الشعر الكهربائية” ، تعالو نشوف مقارنة بين أكتر الفرش الموجودة في السوق ومن بينهم Rush Brush.

الفرشاه التقليد او الهاي كوبي  NASV Fast Hair Straightener Electric Hair Brush:

الفرشاه ليها انواع و موديلات كتير بنفس الشكل بس الاسماء و الاسعار مختلفه، زي مثلا في فرش فيها شاشة ديجيتال لتظهر الحراره، و في نوع من غير شاشة ديجيتال و في نوع اخر بيكون معاه جوانتي عازل للحرارة.

تفاصيل الفرشاة:

  • علبه الفرشه بتتكون من الفرشه والكتالوج فقط لا غير، و تاتي باللون البينك فقط.
  • الفيشه اللي موجوده فيها فيشه ثنائيه عاديه.
  • الفرشه من البلاستيك الضعيف ،أطراف الفرشه من السليكون غير معالج ومن اكثر شكوي المستخدمين ليها ان كور أطراف الفرشه بتقع ، غير أن أسنان الفرشه نشفه جدا فبتقطع الشعر عند الاستخدام .
  • وجد بجانب الفرشة 3 أزرار، زر للتشغيل ، زر لرفع درجة الحرارة ، زر لتقليها.

مميزات الفرشاة:

  • سهله الأستخدام وممكن أخذها في اي مكان وتفضل استخدامها بعد جفاف الشعر .
  • تفرد الشعر العادي.
  • السعر رخيص و في متناول الجميع، يتراوح سعرها بين ال 145 و 200 جنية مصري.

عيوب الفرشاة:

  •  سلك الفرشاة ضعيف جدا هو ( 0.7) خفيف جدا لا يتحمل .
  • بعد فتره من الاستخدام  كور أطراف الفرشه بتقع.
  • بتقطع الشعر عند الاستخدام لان اسنان الفرشة نشفه جدا.
  • اعلي درجه للحرارة مش بتفرد الشعر المجعد.
  • مكان الزارير مش عملي لأن عند الأستخدام ممكن نقلل الحراره او نقفل الفرشاه من غير قصد.
  • لا يوجد الا لون واحد فقط منها و هو البينك.

 أراء بعض المستخدمين في الفرشاه الكوبي:

  • احد المستخدمين اشتكت انها اشتريتها لأن شعرها مجعد جدا وكانت متخيله إنها هتفرد الشعر ، مفردتش شعرها وحسيت ان شعرها كان بيتقطع وهي بتعمله .
  • وحده تانية شعرها كان عادي شافت انها افضل من الاستشوار لكن هي مش زي المكواه الكهربائية ، وأشتكت من مكان الزراير لأنها كانت بتقفل الفرشاه وهي بتسخدمها .
  •  اخري اشتكت من البلاستيك الي علي حواف الفرشه انه ناشف جدا بيقطع شعرها واشتكت ان أطراف أسنان الفرشة وقعت أغلبها بعد تاني استخدام .

أشتري الفرشاه التقليد؟

انا أديها 4 من 10 وبرشح أننا من الأفضل ممكن نزود علي تمنها ونشوف أنواع تانيه تقدر تدينا نتيجه أفضل وأحسن ويكون ليها ضمان أقدر أرجعله. الشعر هو اغلي و احلي حاجه في البنات، لازم تختاري بعناية كامله ايه اللي تستعمليه لشعرك و ايه لا، لو سعرها مناسب ليكي فنصيحة من الريفيوز برضو بلاش تجيبها:
اولا: لان في الاغلب انك هتستعمليها من واحده بس.
ثانيا: 95٪ من المستخدمين ليها قطعتلهم شعرها.
ثالثا: بتاخد وقت طويل جدا لان درجة حرارتها مش عاليه.

اماكن البيع:

  • سوق دوت كوم.
  • جوميا.

في أنواع كتير للفرشاه التقليد شبها في كل حاجه، مع وجود أختلاف بسيطه بينهم زي وجود شاشه ديجيتال ، جوانتي حراري ، حافظه للفرشاه. كمان الأختلافات دي بتخليها تختلف في سعرها يتراوح بين (145, 185, 200, 250) جنية مصري.

 

الفرشاة الاصلية، فرشة راش براش – Rush Brush:

هنتكلم عن الفرشاه الاصلية بالتفصيل جدا و هي فرشاة صناعة امريكية لمخترع مصري.

تفاصيل الفرشاة ومميزاتها:

اولا علبه الفرشاه بتتكون من

  • الفرشاه.
  • عدد 2  كلبس للشعر.
  • فرشاه صغيرة لتنظيف الفرشاه من الشعر.
  • الفيشة الثلاثيه والثنائيه.
  • الكتالوج.
  • أسنان الفرشاة مصنوعة من السيراميك ودا بيساعدها أنها توزع الحرارة بالتساوي علي الشعر بمقدار من 5 إلي 10 مرات أسرع من المكواه.
  • في  3 “أزرار” فيها علي الجنب، علشان شكلها يكون حلو.
    زر للقفل والفتح
    وزر لرفع الحرارة
    وأخر لتقليها
  • وأكتر حاجة بتميز الفرشاه ” تقنيه القفل التلقائي” عشان تتفادي تغير درجه الحراره أو قفل الفرشاه أثناء استعملها، بتقفل تلقائيا بعد 8 ثواني من تشغيلها، ودا الي مش موجود في أغلب الفرش الكهربائية بالأضافة الي شاشة الديجيتال اللي بتظهر درجات الحرارة.
  • الفرشه بتسخن خلال 30 ثانية  سريعه بتوفر الوقت بتعمل الشعر كله في حوالي 15 دقيقة.

بتتميز ب 7 الوان يعني تقدري تختاري الفرشه باللون المفضل ليكي.

طريقة الاستخدام ل Rush Brush:

  • تستخدم  و الشعر يكون جاف ، وعلي حسب نوع شعرك بتختاري الحراره المناسبه ليه.
  • بتفتحي الفرشه وهي بتسخن خلال 30 ثانيه لدرجه الحراره اللي انت اختارتيها.
  • بتقسمي الشعر عشان يسهل عليكي الاستخدام وبتمسكي خصل من الشعر المتقسم كانك بتسرحي شعرك عادي وهي هتفرده بمنتهي السهوله .

مميزات الفرشاة الكهربائية Rush Brush:

  • تقنية القفل التلقائي.
  • بتفرد الشعر المجعد.
  • مصممة انها تناسب جميع انواع الشعر.
  • هتوفر معاكي جدا في الوقت، هتقدري تعملي شعرك في خلال 15 دقيقة، في حين انك لو هتعميله في الصالون هتفضلي اقل حاجه ساعة مع زحمة الطريق و المكان.
  • خفيفة و حجمها مش كبير، فممكن تخديها في أي مكان لو مسافره بيسهل عليكي إن شعرك يبقي شكله حلو طول الوقت .

عيوب الفرشاة الكهربائية Rush Brush:

  •  سعر فرشاة راش براش 1300 جنية مصري.

بالنسبة لبعض الناس بتكون غالية، لكن سعرها كويس بالنسبه لامكاناتيها وجودتها العالية وكمان معاها ضمان سنتين  و30  يوم أسترجاع لعيوب الصناعة .
بالإضافه أن لو فكرتي إنك بتعملي شعرك مره كل أسبوع مثلا أقل سعر ب 50 جنيه يعني هتكوني عملتي شعرك 4800 جنيه لمده سنتين اللي هو وقت انتهاء الضمان! كمان الشركه دايما بتعمل عروض كتير وبيكون السعر مخفض ، وغير كدا الفرشه ممكن تشتريها بالتقسيط من غير فوايد مع بعض البنوك.

أسئلة بعض المستخدمين

  • السؤال المهم هل بتفرد كل أنواع الشعر والأخص الشعرالمجعد جدا؟
    الاجابة: من خلال اراء المستخدمين اه بتفرد الشعر المجعد بشكل جيد وكمان الفرشه فيها خاصيه ضبط الحراره وفيها 3 درجات للحراره (200) للشعر الخفيف (210) للشعر العادي (230) درجه للشعر المجعد.
  •  هل أطراف الفرشه حرارتها ممكن تحرق فروة الرأس؟
    الاجابة: لا خالص لأن الأطراف مصنوعة من السليكون عازلة للحرارة ودا بيكون ضمان للسلامة لانه بيمنع وصول الحرارة لفروة الرأس.

أماكن البيع:

ممكن عن طريق صفحتهم علي الفيسبوك ،أو تشتريها من خلال الموقع الخاص بيهم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى